LUANI REXON 'BISHEN' NE RUNDIN E 12

Boksieri kosovar me nënshtetësi gjermane, Luan Krasniqi ia ka dalur ta fitojë meçin e sotëm ndaj amerikanit Brian Minto, pas plotë 12 rundeve interesante dhe përplotë emocione, duke e fituar brezin Interkontinental në WBO.
Gjatë 11 raundeve shqiptarët kudo në botë kanë qenë nën ethe, por gjithçka është zgjidhur në raundin e 12-të, kur Luani ka arritur ta hedh në dysheme amerikanin me nofkën "Bisha", gjë e cila përkundër faktit se boksieri amerikan ka arritur të ngritet dhe ta vazhdojë luftën edhe për ata sekonda të mbetur, ka qenë vendimtare në fitoren e boksierit junikas. Ashtu siç ishte parashikuar amerikani u shfaq në ring si një boksier tejet i fortë, duke sulmuar vazhdimisht në drejtim të Luanit. Ndërkohë, boksieri kosovar ka goditur pikërisht atëherë kur duhej, duke e vulosur fatin e këtij meçi. Pas kësaj fitoreje të madhe Krasniqi në një pronocim ekskluziv për RTK, ka pohuar: "E kisha parashikuar një meç të vështirë dhe kështu edhe doli. Por, bëra një luftë të cilën e kisha planifikuar dhe në fund dhash goditjen e duhur. Falënderoj të gjithë shqiptarët për pëkrahjen që ma dhuruan edhe në këtë mbrëmje. Tash mbetet të shohim se çfarë do të sjell e ardhmja në karrierën time. Shpresoj që sa më parë të fitoj të drejtën për të luftuar për titullin e kampionit të botës". Emocionet e këtij meçi spektakular, për herë të parë Radio Televizioni i Kosovës i solli me komentim nga vendi i ngjarjes nga Blerim Vuniqi. Kjo fitore jep shpresë se tashmë Luanin së shpejti do të dal në ring për të sfiduar titullin e kampionit botëror, një ëndërr e tij dhe e gjithë shqiptarëve.